Thursday, July 5, 2012

ನೆನಪುಗಳು..... 
ಅಪ್ಪನ ತೆನಾಲಿ ರಾಮನ ಕತೆಗಳ ನೆನಪಿಸೋ ನಿದ್ದೆ ಬರದ ರಾತ್ರಿ!! 
ಸುಡುತಿದ್ದರೂ ಸರಾಗವಾಗಿ ಕಲಸಿ ತುತ್ತಿಡುತಿದ್ದ ಅಮ್ಮನ ಕೈಗಳ ನೆನಪಿಸೋ
ಬಿಸಿ ಅನ್ನ ಸಾರು!!
ಮನಸ್ವೇಚ್ಚೆ ಆಡಿ ಬಿಳಿ ಅಂಗಿ ಕೊಳೆ ಮಾಡಿಕೊಂಡು  ಮನೆಗೆ ಬರುತ್ತಿದುದನ್ನು  
ನೆನಪಿಸೋ ಶನಿವಾರದ ಮಧ್ಯಾಹ್ನ!!
ಆಟ,ಊಟ,ಪಾಠ ಎಲ್ಲಕ್ಕೂ ಸಾಥ್ ನೀಡುತಿದ್ದ ಕುಚಿಕೂ ಸ್ನೇಹವ
ನೆನಪಿಸೋ ಈಗಿನ ಏಕಾಂತ!!
ಅಮೃತದಂತಹ ಅಜ್ಜಿ ಅಡುಗೆಯ ನೆನಪಿಸೋ ಹೆಂಚಿನಡಿಯ ಬಾಳೆ ಎಲೆ ಊಟ!!
ನೆನಪುಗಳು ನೆನಪಾಗಿ ಮುಸುನಗಲು ತುಸು ನೆಪ ಸಾಕಲ್ಲವೇ 
ಈ ಹುಸಿಮರೆವಿನ ಮನಸಿಗೆ?!! 
                                                 -ಸಿರಿ   

No comments:

Post a Comment